نمازِ جنازہ پڑھانے کی وصیت پر عمل کرنے کا حکم:

نمازِ جنازہ پڑھانے کی وصیت پر عمل کرنا لازم نہیں ہے بلکہ فقہاء نے لکھا ہے کہ ایسی وصیت باطل ہے ۔ ملاحظہ ہو علامہ شامی رحمه الله فرماتے ہیں:

قوله والفتوى على بطلان الوصية

عزاه في الهندية إلى المضمرات أي لو أوصى بأن يصلي عليه غير من له حق التقدم أو بأن يغسله فلان لا يلزم تنفيذ وصيته ولا يبطل حق الولي بذلك. (فتاوى الشامي: ۲/۲۲۱، سعيد).

عمدۃ الفقہ میں مذکور ہے:
اگر میت نے وصیت کی کہ فلاں شخص میری نماز پڑھا دے یا فلاں شخص مجھے غسل دے تو وہ وصیت باطل ہے اس کا جاری کرنا لازمی نہیں ہے اور اس وصیت سے ولی کا حق جاتا نہیں رہے گا اسی پر فتوی ہے البتہ ولی کو اختیار ہے کہ خود نہ پڑھائے اور اس سے پڑھوائے، اسی طرح اگر وصیت کی کہ فلاں کپڑے کا کفن دیا جائے یا فلاں جگہ دفن کیا جائے تو یہ وصیت باطل ہے اس پر عمل لازمی نہیں ہے ۔ (عمدۃ الفقہ: ۲/۵۲۷) ۔
مزید ملاحظہ ہو : (کفایت المفتی: ٤/۹۱، دار الاشاعت) ۔
واللہ سبحانہ و تعالی اعلم