حکومت زمینیں ضبط کرنے کے بعد اس کا بدل دے تو اس میں میراث کا حکم:

بصورتِ مسئولہ چونکہ موجود ہ حکومت یہ مال میت کا حق سمجھ کر دے رہی ہے، لہذا ان تمام وارثوں کو ملے گا جو اس کی وفات کے وقت زندہ تھے، موجود ہ حکومت کے نزدیک سابقہ حکومت نے مرحوم پر ظلم کیا تھا جس کی تلافی کی جا رہی ہے، جیسے میت کا پینشن ۱۵/۲۰ سال کے بعد مل جائے تو اس کے وہ تمام ورثہ اس میں شریک ہوں گے جواس کی وفات کے وقت زندہ تھے۔ ملاحظہ ہو ہدایہ میں مرقوم ہے:

لأن أحد الورثة ينتصب خصماً عن الباقين فيما يستحق له وعليه "أي الميت وعلى الميت" ديناً كان أو عيناً لأن المقضي له وعليه هو الميت في الحقيقة وواحد من الورثة يصلح خليفة عنه في ذلك. (الهداية: ۳/۱۵۰).

فتاوی الشامی میں ہے:

وشروطه ثلاثة:

وجود وارثه عند موته حياً حقيقة أو تقديراً كالحمل والعلم بجهة إرثه. (فتاوى الشامي: ٦/۷۵۸، سعيد).

مجموعہ قوانین اسلامی میں ہے:
ترکہ پانے کی تین شرطیں ہیں: (۱) مورث کی موت کا یقین یا ظن غالب ہونا، (۲) مورث کی موت کے وقت وارثوں کی زندگی کا یقین یا ظن غالب ہونا، (۳) ارث کی جہت کا علم، یعنی اس بات کا علم کہ کون کس بنیاد پر وارث ہو رہا ہے۔ (مجموعہ قوانین اسلامی، ص
285
)۔
مجموعہ قوانین اسلامی میں ہے:
مال کے اندر عموم ہے کہ وہ خواہ جائیدادِ منقولہ ہو یا غیر منقولہ، نقد ہو یا جنس، خواہ میت کی موت کے وقت اس کے قبضہ میں ہو یا دوسروں کے جیسے: قرض، پراویڈنٹ فنڈ، یہ سب ہی ترکہ قرار پائیں گے۔ (مجموعہ قوانین اسلامی، ص
28٤
)۔
واللہ سبحانہ و تعالی اعلم