چست اور تنگ لباس میں نماز کا حکم:

ایسی تنگ اور چست پتلون پہن کر نماز پڑھنا مکروہ ہے تاہم نماز کراہت کے ساتھ ہو جائے گی اعادہ واجب نہیں ہے، اور ایسا چست لباس پہننا خارجِ نماز بھی مکروہ ہے ۔ فتاوی شامی میں مذکور ہیـ:

قوله ولا يصف ما تحته بأن لا يرى منه لون البشرة احترازاً عن الرقيق ونحو الزجاج، قوله ولا يضر التصاقه أي بالألية مثلاً وقوله وتشكله من عطف المسبب على السبب وعبارة شرح المنية أما لو كان غليظاً لا يري منه لون البشرة إلا أنه التصق بالعضو وتشكل بشكله فصار شكل العضو مرئياً فينبغي أن لا يمنع جواز الصلاة لحصول الستر. (فتاوى الشامي: ۱/ ٤۱۰، سعيد).

کتاب المسائل میں مرقوم ہے:
ایسا چست لباس پہننا جس سے اعضاء مستورہ کی ہیئت ظاہر ہو جائے اگر چہ مکروہ اور بے حیائی کی دلیل ہے ؛ تاہم اگر کپڑا اتنا دبیز ہو کہ اندر کی کھال نظر نہ آئے تو اس میں نماز پڑھنا درست ہے ۔ (کتاب المسائل: ۱/۲۷۳) ۔
دوسری جگہ مرقوم ہے: کَسی ہوئی جینز اور ٹی شرٹ پہن کر نماز پڑھنے سے گو کہ نماز بہ کراہت درست ہو جاتی ہے ؛ لیکن ہمارے عرف میں یہ لباس صالحین کے لباس کے خلاف سمجھا جاتا ہے ۔ (کتاب المسائل: ۱/۲۷۱) ۔
فتاوی دار العلوم زکریا میں مرقوم ہے:
لباس کے چند بنیادی اصول: (٦) نیچے پتلون اور اوپر شرٹ پہن لیا تو یہ لباس ناجائز تو نہیں، لیکن صلحاء کا لباس نہ ہونے کی وجہ سے خلاف اولی ہے اور اگر اس میں اعضائے مستورہ کی بناوٹ ظاہر ہوتی ہے تو مزید کراہت پیدا ہو جائے گی ۔

وأما اللباس المكروه فعلي ثلاثة أوجه:

والثاني: لباس الرقاق الذي يبين منه البدن لأنه لباس أهل التكبر والخيلاء والأشر، ومن لا اهتمام له بأمر الآخرة

(النتف في الفتاوى، ص ۱٦۱، ۱٦۲). (
فتاوی دار العلوم زکریا: ۷/۸۲، ط: زمزم پبلشرز) ۔
واللہ سبحانہ و تعالی اعلم