امامِ راتب کو تراویح پر مجبور کرنے کا حکم:

امامِ راتب تراویح کا زیادہ حقدار ہے، لیکن اگر امام صاحب کو دوسری جگہ پڑھانا ہے تو مجبور نہیں کیا جائے گا، ہاں اہلِ مسجد امام صاحب سے تراویح پڑھانے کا مطالبہ کریں تو امام صاحب کو مان لینا چاہیے کیوں کہ یہ بھی امامت ہی کی ایک قسم ہے ۔ ملاحظہ ہو در مختار میں ہے:

واعلم أن صاحب البيت ومثله إمام المسجد الراتب أولى بالإمامة من غيره مطلقاً. (الدر المختار: ۱/٥٥۹، سعيد)

فتاوی دار العلوم دیوبند میں ہے:
سوال: بکر ایک مسجد میں امام مقرر ہوا اور حافظِ قرآن ہے اور زید بھی حافظِ قرآن ہے وہ زمانہ بعید سے اس مسجد میں تراویح پڑھاتا ہے، اب بکر کہتا ہے کہ میں اب امام مقرر ہوا ہوں تراویح پڑھانے کا حق مجھ ہی کو ہے اور وہ حافظ کہتا ہے کہ میرا قدیمی حق ہے تو کس کو حق ہے؟
الجواب: صورتِ مسئولہ میں جب بکر امام مقرر ہو گیا تو تراویح کا حق بھی اسی کو ہے ۔ (فتاوی دار العلوم دیوبند:
٤/۲۸۲
، دار الاشاعت)
فتاوی رحیمیہ میں ہے:
تراویح پڑھانے کا حق امام کا ہے اگر امام نہ پڑھا سکے یا اجازت دے دے تو دوسرے حافظ کو سپرد کر دینا چاہیے ۔ (فتاوی رحیمیہ: ٤/
٤۲٥
) ۔
واللہ سبحانہ و تعالی اعلم