خود رو گھاس پر عشر کا حکم:

صورتِ مسئولہ میں خود رو گھاس پر عشر نہیں، البتہ اگر کسی نے گھاس مقصود بنا لیا ہو اور زمین کو اسی کے لئے خاص کر دیا ہو تو عشر واجب ہوگا ۔
ملاحظہ ہو فتاوی قاضی خان میں ہے:

ولا يجب العشر في التبن ولا في الحطب والحشيش. (فتاوى قاضي خان: ۱/۲۷٦، فصل في العشر).

فتاوی ہندیہ میں ہے:

فلا عشر في الحطب والحشيش والقصب. (الفتاوى الهندية: ۱/۱۸٦).

ہدایہ میں ہے:

قال أبو حنيفة رحمه الله في قليل ما أخرجته الأراضي وكثيره العشر سواء سقي سيحاً أو سقته السماء إلا القصب والحطب والحشيش. (الهداية: ۱/۲۰۱).

اہم فقہی فیصلے میں ہے:
بشمول گھاس و درخت وغیرہ پر ایسی زمینی پیداوار پر عشر واجب ہے جس کی پیداوار سے مقصود نما ء ہوتی ہے اور جیسے آمدنی کی غرض سے پیدا کیا جاتا ہے، لہذا تمام غذائی اجناس، میوہ جات، پھلو ں اور پھولوں پر عشر واجب ہے، البتہ خود رو درخت اور گھاس جن سے حصولِ آمدنی مقصود نہ ہو اس پر عشر واجب نہیں ۔ (اہم فقہی فیصلے، ترتیب: حضرت قاضی مجاہد الاسلام قاسمی صاحب رحمه الله، ص ٦۲، ادارۃ القرآن) ۔
واللہ سبحانہ و تعالی اعلم