دورانِ طواف وضو ٹوٹ جانے کا حکم:

مذکورہ بالا دونوں صورتوں میں اگر اکثر طواف پورا کر لیا تھا تو نماز سے فارغ ہونے کے بعد وہیں سے شروع کرے جہاں پر روک دیا تھا، اور اگر از سر نو دوبارہ شروع کیا تو بھی درست ہے، اور اگر اکثر طواف نہیں ہوا تھا بلکہ ایک دو چکر ہوئے تھے تو اس صورت میں استیناف مستحب اور بنا بھی جائز ہے ۔ ملاحظہ ہو غنیۃ الناسک میں مرقوم ہے:

ولو خرج من الطواف أو من السعي إلى جنازة أو مكتوبة أو تجديد وضوء ثم عاد بني لو كان ذلك بعد إتيان أكثره ولو استأنف لا شيء عليه فلا يلزمه إتمام الأول لأن هذا الاستيناف للإكمال بالموالاة بين الأشواط ويستحب الاستيناف في الطواف إذا كان ذلك قبل إتيان أكثره. (غنية الناسك، ص ٦۸، فصل في مكروهات الطواف).

کتاب الفتاوی میں ہے:
طواف کے درمیان جہاں وضو ٹوٹا ہے وہیں سے وضو کرنے کو چلا جائے اور وضو کر کے دوبارہ وہیں سے طواف شروع کر کے سات چکر پورے کر لے، وضو ٹوٹ جانے کی وجہ سے پہلے کیے جانے والے چکر ضائع نہیں ہوں گے، بلکہ ان کو شمار کرتے ہوئے سات چکر پورے کرے گا ۔ (کتاب الفتاوی: ٤/٤۷) ۔
واللہ سبحانہ و تعالی اعلم