نابالغ بچے کا ہدیہ قبول کرنے کا حکم:

اگر کوئی چیز بچوں کو استعمال کے لیے دی جائے تو والدین کی اجازت سے دوسروں کو دینا جائز ہے بنا بریں استاذ کو قبول کرنا بھی جائز ہوگا۔
ملاحظہ ہو امداد المفتین میں ہے:
لڑکے جو انعام دیتے ہیں دو شرطوں سے جائز ہے اول یہ کہ اگر لڑکے خود بالغ ہیں تو اپنی رضا سے دیں اور اگر نابالغ ہیں تو ان کے والدین کا راضی ہونا شرط ہے، (والدین کے راضی ہونے کا مطلب یہ ہے کہ والدین کا مال ہے) دوسرے یہ کہ مدرس اپنا طرز ایسا نہ ڈالے جس سے طلبہ کو یہ معلوم ہو کہ اگر انعام نہ دین گے تو ہمیں نقصان پہنچے گا۔ (امداد المفتین، جلد دوم، ص۷۳۳، کتاب الہبہ و الصدقہ، دار الاشاعت)۔
شرح مجلہ میں ہے:

لو أحضر الصغير لأحد هدية وقال له أرسلني أبي بهذه الهدية لك فلذلك الشخص تناول تلك الهدية ما لم يقع في قلبه أن الصغير المذكور كاذب في قوله هذا. (درر الحكام شرح مجلة الأحكام: ۲/۳۹۸، دار الكتب العلمية بيروت).
وفي جامع أحكام الصغار: وفي هبة الملتقط: صبي أهدي وقال: إني أرسل إليك بهذه الهدية يحل له التناول إلا أن يقع في قلبه أنه كاذب. (جامع أحكام الصغار: ۱/۱۸۳، في مسائل الهبة). (وكذا في الفتاوى الهندية: ٤/۳۹۳، قبول الهدية من الصغير).

واللہ سبحانہ و تعالی اعلم