بیٹے کے نام بینک میں رقم رکھنے سے ہبہ کا حکم:

بصورتِ مسئولہ بینک میں رکھنے کا مقصد تملیک الابن نہ ہو بلکہ کسی مصلحت کی وجہ سے رکھی ہے تو بیٹا مالک نہیں بنا، ہاں اگر تملیک مقصود ہو تو بیٹا مالک بن گیا ۔
ملاحظہ ہو حضرت مفتی محمد شفیع صاحب رحمه الله فرماتے ہیں:
اگر فی الواقع زید نے یہ مکان اپنی زوجہ کی ملک نہ کیا تھا بلکہ کسی مصلحت سے کاغذات سرکاری میں اس کا نام لکھوا دیا تھا تو یہ مکان زوجہ کی ملک نہیں ہوا اور بعد اس کی وفات کے اس کے وارثوں کا اس میں حق نہ ہوگا، بلکہ بدستور زید کی ملک میں رہے گا کاغذاتِ سرکاری میں کسی کا نام درج ہو جانے سے شرعاً اس کی ملک ثابت نہیں ہوتی جب تک کہ مالک اپنی رضا سے اس کو مالک نہ بنائے اور قبضہ نہ کرائے،
وهذا كله ظاہر من عامة کتب الفقه
۔ (امداد المفتین، جلد دوم، ص
۷۳۸
، کتاب الہبہ، دار الاشاعت) ۔
مزید ملاحظہ ہو: (فتاوی عثمانی:
۳
/
٤٤۵
) ۔
واللہ سبحانہ و تعالی اعلم