صاحب ترتیب کا وتر بھول کر وقتی نماز ادا کرنے کا حکم:

اگر بھول کر وقتیہ نمازیں ادا کر چکا ہے تو یاد آنے کے بعد فقط وتر کی قضا واجب ہے باقی نمازیں صحیح اور درست ہیں، اعادہ کی ضرورت نہیں ۔ ملاحظہ ہو فتاوی ہندیہ میں مرقوم ہے:

ثم الترتيب يسقط بالنسيان وبما هو في معنى النسيان كذا في المضمرات. ولو تذكر صلاة قد نسيها بعد ما أدى وقتية جازت الوقتية كذا في فتاوى قاضيخان. (الفتاوى الهندية: ۱/۱۲۲). (وكذا في الهداية: ۱/۷۳، المكتبة الإسلامية، والمحيط البرهاني: ۲/۳٤، ط: دار إحياء التراث).

آپ کے مسائل اور ان کا حل میں مرقوم ہے:
صاحب ترتیب کے لیے ضروری ہے کہ پہلے فوت شدہ نماز کی قضا کرے پھر وقتی نماز پڑھے، لیکن اگر بھول کر وقتی نماز ادا کر لی پھر بعد میں فوت شدہ نماز یا د آئی تو اس کی وقتی نماز صحیح ہو گئی اور فوت شدہ نماز کو قضا کر لے اور اگر وقتی نماز شروع کرنے سے پہلے اس کو فوت شدہ نماز یا د تھی یا نماز کے دوران یا د آ گئی تو فوت شدہ نماز کو قضا کر کے وقتی نماز کو دوبارہ پڑھے ۔ (آپ کے مسائل اور ان کا حل: ۳/٦۲٤) ۔
عمدۃ الفقہ میں مرقوم ہے:
اگر وقت کی نماز ادا کرنے کے بعد کوئی بھولی ہوئی قضا نماز یا د آئی تو وقت کی نماز جائز ہو گئی اس کے لوٹا نے کی ضرورت نہیں قضا نماز کے بھولنے سے اور ان چیزوں سے جو بھولنے کے حکم میں ہیں ترتیب ساقط ہو جاتی ہے کیوں کہ بھولنا آسمانی عذر ہے اس میں بندہ کو اختیار نہیں ہے اور بھولنے کی صورت میں قضا نماز پڑھنے میں ترتیب کا حکم یا د آنے پر مشروط ہے یعنی اس کا وقت یا د آنے سے ہوتا ہے جب تک یا د نہ آئے گی اس وقت تک وقت نہیں ہوگا اور ترتیب لازم نہیں ہو گی ۔ (عمدۃ الفقہ: ۲/۳۵۰) ۔
واللہ سبحانہ و تعالی اعلم