صف کی ایک جانب میں راستہ چھوڑنے کا حکم:

مسجد میں صف کی ترتیب ایک دیوار سے دوسری دیوار تک ہوتی ہے لیکن کسی عذر کی وجہ سے صف مصنوعی راستہ تک روک دی جائے تو بھی بلاکراہت درست ہے، جیسے مسجد میں منبر، تپائیاں اور ستون وغیرہ کی وجہ سے جگہ چھوڑ دی جاتی ہے۔ اور یہ جگہ نماز سے مستثنی ہوتی ہے۔
ملاحظہ ہو علامہ سرخسی رحمه الله مبسوط میں فرماتے ہیں:

لأنه صف في حق كل فريق وإن لم يكن طويلاً وتخلل الأسطوانة بين الصف كتخلل متاع موضوع أو كفرجة بين رجلين وذلك لا يمنع صحة الاقتداء ولا يوجب الكراهة. (المبسوط: ۲/٦۲، ط: بيروت، لبنان).

علامہ شامی رحمه الله فرماتے ہیں:
يكون الصف ما يلي الإمام في داخلها وما اتصل به من طرفيها خارجاً عنها من أول الجدار إلى آخره فلا ينقطع الصف ببنائها (المقصورة) كما لا ينقطع بالمنبر الذي هو داخلها فيما يظهر وصرح به الشافعية. (فتاوى الشامي: ۱/۵٦۹، سعيد).

امداد المفتین میں مذکور ہے:
في رد المحتار: فلا ينقطع الصف ببنائها (المقصورة) كما لا ينقطع بالمنبر الذي هو داخلها فيما يظهر حرج صرح به الشامية، (شامي: ۱/۵۳۲)، وفي الدر المختار بعد ذلك ولو صلى على رفوف المسجد إن وجد في صحنه مكاناً كره كقيامه في صف خلف صف. (الدر المختار: ۱: ۵۳۳)
عبارت نمبر ۱ سے معلوم ہوا کہ منبر کے دائیں بائیں صف بنائی جاوے، تو منبر کی وجہ سے صف کو منقطع نہ قرار دیا جاوے گا اور کوئی کراہت نہ ہو گی اور عبارت نمبر ۲ سے معلوم ہوا کہ ضرورت اور تنگی سے انقطاعِ صف کی رعایت بھی ساقط ہو جاتی ہے کراہت نہیں رہتی۔ (امداد المفتین: ۲/ ۲۹۲، ط: دار الاشاعت) ۔
فتاوی محمودیہ میں مرقوم ہے:
اگر منبر صف کے درمیان آ جائے کہ کچھ مقتدی صف کی ایک جانب ہوں اور کچھ دوسری جانب ہوں تو اس کی وجہ سے صف میں خلل نہیں آتا، صف درست ہو جائے گی، مبسوط سرخسی میں ایسا ہی مذکور ہے۔ (فتاوی محمودیہ: ٦/ ۵۳۰، جامعہ فاروقیہ) ۔
واللہ سبحانہ و تعالی اعلم