﴿هَٰؤُلَاءِ بَنَاتِي هُنَّ أَطْهَرُ لَكُمْ﴾ سے فعل بد پر استدلال کرنے کا حکم:

بظاہر قوم لوط رضامندی سے لواطت کرتے تھے اس لیے کہ قرآنِ کریم میں ان لوگوں کے بارے میں اتیان کے الفاظ آئے اور قرآن اور احادیث میں اتیان کا لفظ رضامندی کے لیے استعمال کیا گیا ہے جیسا کہ قومِ لوط کے بارے میں قرآنِ کریم میں یہ آیت مذکور ہے: وتأتون في نادیکم المنکر، تو یہاں ظاہر سی بات ہے کہ وہ لوگ منکرات رضامندی سے کرتے ہیں، اتیان رضامندی سے کام کرنے کو کہتے ہیں، زبردستی اجبار یا اکراہ کہتے ہیں، اس عمل بد میں قومِ لوط کے لیے اکراہ کا لفظ کسی جگہ مذکور نہیں، اور اگر بالفرض اس زمانہ میں زبردستی سے کرتے تھے تو اس کا مطلب یہ نہیں کہ رضامندی ہو تو پھر جائز ہے، جیسا کہ کسی ملک میں سود دینا یا انشورنس کرانا حکومت نے لازم اور ضروری قرار دیا ہے تو اس کا مطلب یہ نہیں
اور ہؤلاء بناتی کا مطلب بنات قومی ہے یعنی بنات القوم سے نکاح کرو، اور ہن أطہر لکم کے دو معانی ہیں: ۱ ۔ یا اسم تفضیل فعل کے معنی میں ہے جیسے اصحاب الجنۃ خیر مقاماً و احسن مقیلاً، جنتیوں کی جگہ بہتر ہے اور اس کے مقابلہ میں جہنم بدتر ہے یا جیسے اللہ اعلی و اجل میں، اللہ تعالی بہت عالی اور جلیل ہے، اس میں یہ معنی مراد ہے، یہ مطلب نہیں کہ اللہ تعالی اجل اکبر ہے اور اصنام بھی کبیر ہیں ۔
۲ ۔ یا اطہر کے معنی انظف ہے یعنی عورتوں کا محل جماع بہت صاف اور مردوں کا مقعد گندگی اور غلاظت اور پاخانہ کی جگہ ہے تو تم کیوں محل غلاظت کو محل لذت سمجھتے ہو ۔