اذان کا جواب دینے کے بعد وقت ہو تو اس میں کلام کرنے کا حکم:

اصل چیز اذان کا جواب دینا ہے ۔ اسی وجہ سے فقہاء نے اذان کے وقت سلام کرنے سے منع کیا ہے کیوں کہ اجابت میں خلل واقع ہوگا ۔ لیکن اگر درمیان میں اتنا وقفہ ہے کہ جواب دینے کے بعد وقت بچ جاتا ہے تو اس وقفہ میں ذکر یا کوئی اور کلام کیا جا سکتا ہے ۔
بخاری شریف میں ہے:

عن النبي ﷺ قال: إذا سمعتم النداء فقولوا مثل ما يقول المؤذن. (رواه البخاري: ۱/۸٦)

فتاوی رشیدیہ میں ہے:
دنیا کی بات اثنائے سکوت مؤذن بھی درست ہے ۔ (فتاوی رشیدیہ: ص ۲۹۰)
عمدۃ الفقہ میں ہے:
کلمات کے درمیان وقفہ میں یہ امور یعنی سلام و جوابِ سلام کر لینا جواب دینے کے منافی نہیں ۔ (عمدۃ الفقہ: ۲/٤۲) ۔
واللہ سبحانہ و تعالی اعلم