خطبہ کے بعد نماز سے قبل امام کے لیے اعلان کرنے کا حکم:

صورتِ مسئولہ میں امام کے لیے نماز سے قبل یہ اعلان کرنا کہ صفیں درست کر لیں یا پہلے مسجد کو اندر سے پُر کر لیں یا مختصر مسئلہ بیان کر دینا جائز ہے، طویل وعظ درست نہیں ہے ۔ ملاحظہ ہو شامی میں ہے:

فاذا أتم أي الإمام الخطبة أقيمت بحيث يتصل أول الإقامة بآخر الخطبة وتنتهي الإقامة بقيام الخطيب مقام الصلاة

ويكره الفصل بأمر الدنيا ذكره العيني

إما بنهي عن منكر أو أمر بمعروف فلا وكذا الوضوء

حتى لو طال الفصل استأنف الخطبة. (شامي: ۲/۱٦۲، باب صلاة الجمعة، سعيد)

احسن الفتاوی میں ہے:
مختصر طور پر کوئی مسئلہ بتانا اور امر بالمعروف و نہی عن المنکر جائز ہے طویل وعظ جائز نہیں ۔ (احسن الفتاوی: ٤/۱۲۲، باب الجمعہ و العیدین) ۔
واللہ سبحانہ و تعالی اعلم