پگڑی کی رقم پر زکوٰۃ کا حکم:

صورتِ مسئولہ میں مالکِ مکان کے ذمہ زکوٰۃ لازم ہو گی ۔
ملاحظہ ہو ایضاح النوادر میں ہے:
کرایہ دار پیشگی یک مشت جو رقم مالکِ مکان اور مالکِ دوکان کو ادا کرتا ہے مالکِ مکان اس کا مالک ہو جاتا ہے اس کی زکوٰۃ بھی مالکِ مکان ہی پر لازم ہوا کرتی ہے، کرایہ دار پر اس کی زکوٰۃ لازم نہیں ہے، اس لئے کہ اس رقم پر کرایہ دار کی ملکیتِ تامہ حاصل نہیں ہے ۔
إذا عجل الأجرة لا يملك الاسترداد. شامي: ٦/۱۰. (
ایضاح النوادر: حصۂ دوم ص ۱۰) ۔
جدید فقہی مسائل میں ہے:
پیشگی رقم مالکِ مکان کی ملکیت میں آ جاتی ہے اس لئے مالکِ مکان ہی کو اس کی زکوٰۃ ادا کرنی ہو گی ۔ چنانچہ ابن ہمام رحمه الله لکھتے ہیں:
و أما زكاة الأجرة المعجلة عن سنين في الإجارة الطويلة التي يفعلها بعض الناس عقوداً ويشترطون الخيار ثلاثة أيام في رأس كل شهر فتجب علي الآجر لأنه ملكها بالقبض. (فتح القدير: ۲/۱۲۱).

پس پیشگی دیے گئے کرایہ کی زکوٰۃ مالکِ مکان پر واجب ہو گی ۔ (جدید فقہی مسائل: ۱/۲۱۸) ۔
واللہ سبحانہ و تعالی اعلم
فصل سوم
اموالِ تجارت اور کرایہ داری پر زکوٰۃ کے احکام