فیکٹری، مل، مشین، گاڑی، وغیرہ پر زکوٰۃ کا حکم:

صورتِ مسئولہ میں فیکٹری، مل، مشین، گاڑی، وغیرہ پر زکوٰۃ واجب نہیں ہے، ہاں اگر ان اشیاء کی تجارت کرتا ہے تو ان کی مالیت پر زکوٰۃ واجب ہو گی ۔
ملاحظہ ہو ہدایہ میں ہے:

وليس في دور السكني وثياب البدن وأثاث المنازل ودواب الركوب وعبيد الخدمة وسلاح الاستعمال زكاة لأنها مشغولة بالحاجة الأصلية وليست بنامية وعلى هذا كتب العلم لأهلها وآلات المحترفين لما قلنا. (الهداية: ۱/۱۸٦، كتاب الزكاة).

جواہر الفقہ میں ہے:
کارخانے اور مل وغیرہ کی مشینوں پر زکوٰۃ فرض نہیں، لیکن ان میں جومال تیار ہوتا ہے اس پر زکوٰۃ فرض ہے ۔ (جواہر الفقہ: ۱/۳۸۵، مسائلِ زکوٰۃ، دار العلوم کراچی) ۔
فتاوی دار العلوم میں ہے:
آلاتِ محترفین پر زکوٰۃ نہیں ہے، جیسا کہ در مختار میں ہے،
وكذلك آلات المحترفين
۔ (فتاوی دار العلوم: ٦/۹۳، و امداد الفتاوی: ۲/٤۲، و ایضاح المسائل: ۱۰٦) ۔
واللہ سبحانہ و تعالی اعلم