امام کا تکبیرات کے لیے قیام کی طرف لوٹنے کا حکم:

صورتِ مسئولہ میں سابقہ رکوع پر اکتفاء کر لے تو نماز درست ہو گی ۔ لیکن اگر دوسرا رکوع کر لیا تو بھی نماز ہو گئی بلکہ دوسرا رکوع کرنا چاہیے تاکہ نماز کی ترتیب صحیح ہو جائے ۔ ملاحظہ ہو فتاوی ہندیہ میں ہے:

وذكر في كشف الأسرار أن الإمام إذا سها عن التكبيرات حتى ركع فانه يعود إلى القيام بخلاف المسبوق. (الفتاوى الهندية: ۱/۱۲۸، صلاة العيدين)

طحطاوی میں ہے:

وإعادة الركوع لا تفسد أيضاً فلو أدركه رجل في الركوع الثاني كان مدركاً لتلك الركعة. (حاشية الطحطاوي على الدر المختار: ۱/۲۸۲)

البحر الرائق میں ہے:

فإن عاد إلى القيام وقنت ولم يعد الركوع لم تفسد صلاته لأن ركوعه قائم لم يرتفض. (البحر الرائق: ۲/٤۳، كوئتة)

عمدۃ الفقہ میں ہے:
اگر قیام کی طرف لوٹا تب بھی جائز ہے اور نماز فاسد نہ ہو گی یہی صحیح ہے لیکن رکوع کا اعادہ کرے قراءت کا نہ کرے ۔ (عمدۃ الفقہ: کتاب الصلاۃ حصہ دوم: ص ٤٦۵، عیدین کے متفرق مسائل، المجددیہ) ۔
واللہ سبحانہ و تعالی اعلم